冇行...

今朝堂MS冇返
聽講個tutor無端端玩點名
搞到冇得叫人幫手剔名...
10點上日文...最後一堂
交待一下8月有個「勉強会」...到時冇嘢做就去
跟住又俾我哋睇吓日本小學生嘅作文(自我介紹)
8歲小學生...大概是小三吧
不過我都唔係好明佢寫乜orz
連小三學生都不如-.-''
大概只有漢字方面叻得過佢哋-.-''
跟住就考Listening
有啲字唔係好識orz
好彩唔係好影響到
其中有一題聽到都唔識揀答案
題目大概係問「個女人點解請假」
我就聽到原因係「熱(發燒)」
有4個答案揀
1.風邪(感冒)
2.頭が痛い(頭痛)
3.お腹が痛い(肚痛)
4.休みたい(想請假)
3同4就唔係好關事...
問題係答案應該係「感冒」定「頭痛」
最後求祈揀咗「頭痛」orz
後尾諗諗下感冒好似合理啲orz
考完問返人原來係我聽漏嘢...頂...
Test到最尾嗰部分嗰陣
先生開個cda檔...播唔到
雖然我唔知cda檔係乜...唔知用咩開
但係我望一望...個檔案得1kb...
點有可能一段錄音得1kb＠＠
最後取消咗嗰部分
嗰部分嘅分攤放返喺第1部分orz
搞到第1部分佔分重好多
最尾嗰部分應該幾快都唔淺
咁樣搞一搞應該有好幾個人會滿分...個mean都拉高咗
今個sem又冇行喇...