除夕夜．大年初一

除夕夜．大年初一

除夕夜
朝早起身又係用電腦
晏晝去親戚屋企食團年飯
食完先返屋企再出去行花市
本嚟都冇乜意思去行花市
不過最後都係同Yiuchi同周周去維園行
維園果然比旺角嗰個迫好多- -
少啲Body balance都唔得
冇乜嘢啱買 淨係買咗副三國啤牌
行完都已經2點幾
搭N307返大埔...盛惠32大元- -''
返到去再食個宵夜就閃人

大年初一
12點幾先起身
一起身收到幾個FD嘅MSG 不過請原諒我嘅懶惰 我一個都冇回到- -''
食咗少少嘢就同Maka出去沙田Greenbox唱K
我哋兩個係黑白雙煞XD
大年初一去唱K真係第一次
85蚊唔算太貴 不過得2個鐘唔係太夠喉
下次唔知要等到幾時大家都得閒去唱喇...
唱完喺沙田兜咗兩個圈
行行吓見到有棵桃花 就同Maka圍住個行返一個圈
應該係佢拉我行先啱- -
點都好 希望今年有桃花運 桃花劫就免喇 下年同另一半一齊喇XD
跟住就一齊入大埔林村 去睇睇許願樹
住咗大埔十幾年 第一次入林村- -''
不過真係揀唔啱時機入去
入到去都已經開始天黑 又冇帶相機
只可以用手機 所以啲相效果都係麻麻
本嚟想碇寶碟 不過想碇嗰陣 咁啱啲職員開始收嘢orz
唯有下年再嚟過
行多陣就閃人 夜晚又係上網嚟渡日
係咁搵某人FB...不過搵到我傻都係連隻桔都搵唔到orz...
試過幾種方法...FD搭FD咁搵又係搵唔到...唔通佢冇FB@@?
算喇...暫時唔理住...呢啲嘢唔搵遲吓就會自己出嚟...(有緣的話...)