深圳一日遊．無聊

2009年1月5日:
深圳一日遊

今朝起身出去幫老媽辦事
12點幾同Yuichi出去大中食少少嘢
就上深圳玩
第一次喺落馬洲過關
因為今日係閒日，所以冇乜人
第一次見到「硬幣形」車票...又幾過癮
第一站先去香蜜湖個賽車場玩小型賽車...10分鐘收60大元...貴orz
不過都幾好玩...下次嚟再玩...要不斷突破自己最快圈速=]
玩完車就去書城睇書...冇想像中咁大...
不過啲書夠多，重點係平!
行咗兩個書城...有好幾本書想買...
例如吉川英治本《宮本武藏》...不過一書四冊100大元...都係買咗其他書先
最後買咗《真假三國》同《不可不知的歷史常識》兩本書
以前嘅我一定唔會買《不可不知的歷史常識》呢本嘢
不過可能因為中六七後開始對歷史故事感興趣
所以即管買嚟睇吓
行完書城個天都已經開始黑
今次唔去溜冰...下次先去
跟住去食少少嘢就去東門行...又行又食...同埋買咗件衫
最後一站去咗揼骨...11點走人
之後返大埔食嘢~
今日嘅行程真係令我散盡家財@@
不過得閒上去玩吓都OK

2009年1月6日:
無聊

呢排我發覺而家嘅生活越嚟越無聊
之前又計劃過sem break要睇吓去留學啲資料又計劃要讀返好2,3,4級嘅文法
最後當然一樣都冇做-.-''
差唔多日日都喺屋企hea...之前想睇嘅日劇同動畫都未開始睇- -''
淨係睇咗之前喺Yiuchi度借嗰本《是怕寂寞，還是愛我》少少
原來成本嘢都係寫愛情@@
唔係話討厭睇愛情散文...不過我都想睇吓其他題材- -''
仲有唔夠一個禮拜就開sem...呢幾日最好唔好再係咁無聊...過得有返少少意義都好...