打機日．踢波日．元旦日

2008年12月30日:
今朝起身幫人搞add/drop
去到晏晝覺得好攰...瞓返陣先起身再搞add/drop
點知瞓到17:15先起身...遲咗15分鐘- -''
不過都無乜所謂...反正都咁遲...乜都俾人add晒- -
唔駛搞咗好耐就搞掂個timetable...不過都幾差- -
有啲天地堂...又要返8半orz...不過都唔理得咁多...
夜晚某T小姐約我食飯...不過唔得閒...下次先- -
食咗飯就上Yiuchi度打機
WE2009+LF2+吞食天地
WE好耐冇輸俾電腦嘅感覺喇...嗰日終於輸咗場- -
隻吞食天地要逐隻試碟...試到最後幾隻先試到...真係黑仔@@
本嚟諗住玩到2~3點就走...最後玩到5點幾- -''
走之前順便借本書嚟睇睇...當打發時間
落樓嗰陣...又風又雨...凍到成個人彊晒@@
返到屋企都成6點先瞓

2008年12月31日:
今朝8點幾Edison打嚟...起身嗰陣已經停晒雨...
極速刷牙洗面就衝出去石公踢波
今次IBJ有9個人去踢...簡直就係盛事XD
之前大概有兩個禮拜冇踢波...今朝瞓得少...加上冇乜拉筋熱身...最後搞到抽筋@@
踢到12點幾就去食嘢...跟住就順便返City搞paper add drop
不過佢唔俾我add多個credit...唯有summer讀多啲@@
搞完返屋企...夜晚同人出去大埔超級城行吓
楊秀惠+陳自瑤+I Love You Boy'z+一個不知名女子
倒數時出現嚴重時差...個電話顯示23:57分嘅時候...場內已倒數完畢
銅鑼灣嗰邊都未開始數XD...個活動真係唔掂- -
數完去買少少嘢食...跟住去海濱行吓就返屋企
2點幾返到去...搞吓部電腦...用用吓無幾耐就壞咗@@
迫於無奈唯有瞓先

2009年1月1日:
來年展望可以勤力啲咁讀吓書+搵XX
今朝起身整電腦...原來係底版壞咗...又冇晒5XX大元orz
搬住部機行1x分鐘出去...搬到我隻手想斷咁滯...返嚟又係咁...不過總算整返好@@
夜晚又係電腦時間= =